ഒടിടി റിലീസിനൊരുങ്ങുന്ന ഏറ്റവും പുതിയ മലയാളം സിനിമകൾ

ഇന്ത്യയിലെ ഏറ്റവും മികച്ച സിനിമകൾ നിർമിക്കുന്ന ഇൻഡസ്ട്രികളിൽ ഒന്നാണ് മോളിവുഡ്. കോവിഡിന് ശേഷം തിയ്യേറ്റർ റിലീസുകളെക്കാൾ ജനപ്രീതി നേടിയിരിക്കുകയാണ് ഒടിടി റിലീസുകൾ. ഇത് മലയാളസിനിമക്ക് മറ്റ് ഭാഷകളിലും വൻ സ്വീകാര്യത നൽകിയിരിക്കുകയാണ്. ഉടൻ ഒടിടിയിലെത്തുന്ന ഏറ്റവും പുതിയ മലയാളം സിനിമകൾ ഏതൊക്കെയെന്ന് നോക്കാം.

പകലും പാതിരവും

കൊച്ചിയിൽ നിന്ന് മൈസൂരിലേക്ക് പോകുന്ന വന്യജീവി ഫോട്ടോഗ്രാഫർ മാവോയിസ്റ്റ് ഭീഷണി നേരിടുന്ന വയനാട്ടിലെ ഒരു ഗ്രാമത്തിൽ കുടുങ്ങുന്നു. ജീവിതത്തിന്റെ രണ്ടറ്റവും കൂട്ടിമുട്ടിക്കാൻ പാടുപെടുന്ന ഒരു കുടുംബമാണ് അയാളുടേത്. ത്രില്ലർ വിഭാഗത്തിൽപെടുന്ന ചിത്രത്തിൽ രജിഷ വിജയനും കുഞ്ചാക്കോ ബോബനും അഭിനയിക്കുന്നു.

റിലീസ് തീയതി: ഏപ്രിൽ

റിലീസ് പ്ലാറ്റ്ഫോം: ZEE5

എങ്കിലും ചന്ദ്രികേ

ഒരു വിവാഹവും അതുമായി ബന്ധപ്പെട്ട് ഉണ്ടാകുന്ന രസകരമായ സംഭവങ്ങളും കോർത്തിണക്കിയ സിനിമയാണ് എങ്കിലും ചന്ദ്രികേ. അമ്പിളി സംവിധായകൻ ആദിത്യൻ ചന്ദ്രശേഖർ സംവിധാനം ചെയ്യുന്ന ഈ കോമഡി എന്റർടെയ്‌നറിൽ സുരാജ് വെഞ്ഞാറമൂട്, ബേസിൽ ജോസഫ്, സൈജു കുറുപ്പ്, തൻവി റാം, നിരഞ്ജന അനൂപ് എന്നിവർ അഭിനയിക്കുന്നു.

റിലീസ് പ്ലാറ്റ്ഫോം: മനോരമ മാക്സ്

പ്രണയ വിലാസം

അർജുൻ അശോകൻ, അനശ്വര രാജൻ, മമിത ബൈജു എന്നീ സൂപ്പർ ശരണ്യ താരങ്ങൾ ഒന്നിക്കുന്ന ഫീൽ ഗുഡ് റൊമാന്റിക് കോമഡിയാണ് പ്രണയ വിലാസം. തിയ്യേറ്ററിൽ കയ്യടി നേടി മുന്നേറിയ ചിത്രത്തിന്റെ ഒടിടി റിലീസിന് കാത്തിരിക്കുകയാണ് പ്രേക്ഷകർ. നവാഗത സംവിധായകൻ നിഖിൽ മുരളി സംവിധാനം ചെയ്യുന്ന ചിത്രത്തിൽ മനോജ് കെ യു, ഹക്കിം ഷാ, മിയ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു.

റിലീസ് പ്ലാറ്റ്ഫോം: ZEE5

Also Read: വീണ്ടും പ്രണയകാലം; പ്രണയമോർക്കാൻ പ്രണയ വിലാസം

രോമാഞ്ചം

ജിത്തു മാധവൻ സംവിധാനം ചെയ്യുന്ന ഈ ഹൊറർ-കോമഡിയിൽ സൗബിൻ ഷാഹിർ, സിജു സണ്ണി, അർജുൻ അശോകൻ, ചെമ്പൻ വിനോദ് ജോസ്, സജിൻ ഗോപു തുടങ്ങിയവരാണ് അഭിനയിച്ചിരിക്കുന്നത്. തിയ്യേറ്ററിൽ ചിരിയുടെ മാലപ്പടക്കം തീർത്ത സിനിമയാണ് രോമാഞ്ചം.

റിലീസ് പ്ലാറ്റ്ഫോം: Disney+ Hotstar

Also Read: ഇപ്പോൾ ഒടിടിയിൽ കാണാവുന്ന ഏറ്റവും പുതിയ മലയാളം സിനിമകൾ

Content Summary: New Malayalam movies for OTT release.