എല്ലാ ആളുകൾക്കും അവരുടെ ശരീരത്തെക്കുറിച്ച് ചിന്തയുണ്ടാകും. പ്രായ, ലിംഗ ഭേതമന്യേ ആളുകൾ ഇതേക്കുറിച്ച് ആലോചിക്കുകയും പലപ്പോഴും ഉത്കണ്ഠപ്പെടുകയും ചെയ്യുന്നു. സോഷ്യൽ മീഡിയയും ഊതിപ്പെരുപ്പിച്ച സൗന്ദര്യ സങ്കൽപ്പങ്ങളും ഇക്കാലത്ത് വ്യക്തികളെ മാനസികമായി തളർത്താൻ പര്യാപ്തമാണ്. ഈ ആശങ്കകൾ കൈകാര്യം ചെയ്യാൻ നിങ്ങളെ സഹായിക്കുന്നതിനുള്ള ആറ് നിർണായക നിർദ്ദേശങ്ങൾ ഇതാ:
- സ്വയം അനുകമ്പ പരിശീലിക്കുക
നിങ്ങൾ നിങ്ങളെ സ്വയം ഒരു സുഹൃത്തായി കരുതുക. ഇത് നിങ്ങൾക്ക് നിങ്ങളെ മനസിലാക്കാൻ സഹായിക്കും. എല്ലാവർക്കും കുറവുകളും കുറ്റങ്ങളും ഉണ്ടെന്നും ആരും എല്ലാം തികഞ്ഞവരല്ലെന്നും മനസ്സിലാക്കുക. നിങ്ങളോട് ബഹുമാനത്തോടും അനുകമ്പയോടും കൂടി പെരുമാറുക. നിങ്ങളുടെ അപര്യാപ്തതകളെക്കുറിച്ചു ചിന്തിക്കുന്നതിനുപകരം നിങ്ങളുടെ നേട്ടങ്ങളെക്കുറിച്ച് ചിന്തിക്കുക.
- നെഗറ്റീവ് ചിന്തകളെ തിരിച്ചറിയുക
നിങ്ങളിലെ നെഗറ്റീവ് ചിന്തകൾ സ്വയം തിരിച്ചറിയുകയും അവയെ ചെറുക്കാൻ പഠിക്കുകയും ചെയ്യുക. യുക്തിരഹിതമായ ആശങ്കകളാണോ അടിസ്ഥാനരഹിതമായ വസ്തുതകളാണോ ഈ ചിന്തകളെ നയിക്കുന്നതെന്ന് നിർണ്ണയിക്കുക. കൂടുതൽ യാഥാർത്ഥ്യബോധമുള്ള ഒരു വീക്ഷണം ഉണ്ടാകുമ്പോൾ നിങ്ങൾക്ക് നിങ്ങളെക്കുറിച്ച് മതിപ്പ് തോന്നും.
- മറ്റുള്ളവരുടെ പിന്തുണ സ്വീകരിക്കുക
അടുത്ത സുഹൃത്തുക്കളോടോ കുടുംബാംഗങ്ങളോടോ അല്ലെങ്കിൽ ഒരു തെറാപ്പിസ്റ്റിനോടോ നിങ്ങളുടെ ആശങ്കകൾ തുറന്ന് സംസാരിക്കുക. നിങ്ങളുടെ ശരീര പ്രതിച്ഛായയെക്കുറിച്ചുള്ള നിങ്ങളുടെ പ്രശ്നങ്ങൾ പങ്കിടുന്നത് വൈകാരികമായി പിന്തുണ നേടാൻ സഹായിച്ചേക്കാം.
- കെട്ടിച്ചമച്ച ലോകത്തിൽ നിന്ന് അകന്നു നിൽക്കുക
സോഷ്യൽ മീഡിയയിലും ടെലിവിഷൻ പരസ്യങ്ങളിലും പ്രത്യക്ഷപ്പെടുന്ന മോഡലുകൾ മണിക്കൂറുകളെടുത്ത് മേക്ക് അപ്പ് ചെയ്യുകയും ഫോട്ടോയും വീഡിയോയും എഡിറ്റ് ചെയ്യുകയും ചെയ്തിട്ടുണ്ടെന്ന് തിരിച്ചറിയുക. നിങ്ങളുടെ ശരീരത്തെ സ്വയം സ്വീകരിക്കുക, അംഗീകരിക്കുക. പോസിറ്റീവ് ചന്താഗതി സൂക്ഷിക്കുക.
- നിങ്ങളുടെ ആരോഗ്യത്തിനായി പ്രവർത്തിക്കുക
നിങ്ങൾ എങ്ങനെ കാണപ്പെടുന്നു എന്നതിന് പകരം നിങ്ങൾക്ക് എങ്ങനെ തോന്നുന്നു എന്നതിൽ ശ്രദ്ധ കേന്ദ്രീകരിക്കുക. സമീകൃതാഹാരം, ഇടയ്ക്കിടെയുള്ള വ്യായാമം, മതിയായ ഉറക്കം എന്നിവ ഉൾപ്പെടുന്ന ആരോഗ്യകരമായ ജീവിതശൈലി സ്വീകരിക്കുക. നിങ്ങൾ എങ്ങനെ കാണപ്പെടുന്നു എന്നത് പരിഗണിക്കാതെ തന്നെ, നിങ്ങളുടെ ആരോഗ്യത്തിന് പ്രഥമ സ്ഥാനം നൽകുമ്പോൾ, നിങ്ങളുടെ ശാരീരികവും മാനസികവുമായ ആരോഗ്യത്തിൽ പുരോഗതി കാണാൻ സാധിക്കും.
- യഥാർത്ഥ ലക്ഷ്യങ്ങൾ പിന്തുടരുക
ഒരു പ്രത്യേക ശരീര തരമോ ഭാരമോ ലക്ഷ്യമിടുന്നതിനുപകരം, നിങ്ങളുടെ പൊതുവായ ആരോഗ്യത്തിനും സന്തോഷത്തിനും വേണ്ടി കൈവരിക്കാവുന്ന ലക്ഷ്യങ്ങൾ ഉണ്ടാക്കുക. ഈ ലക്ഷ്യങ്ങളിൽ നിങ്ങളുടെ ശാരീരിക ക്ഷമത വർധിപ്പിക്കുക, പുതിയ ഹോബികൾ പരീക്ഷിക്കുക, അല്ലെങ്കിൽ കൂടുതൽ പോസിറ്റീവ് സ്വയം ഇമേജ് സൃഷ്ടിക്കൽ എന്നിവ ഉൾപ്പെടാം. നിങ്ങളുടെ യാത്രയുടെ ഓരോ ചുവടും ആഘോഷിക്കൂ, അത് എത്ര ചെറുതാണെങ്കിലും.
ബോഡി ഇമേജ് ആശങ്കകൾ കൈകാര്യം ചെയ്യുന്നത് ആജീവനാന്ത പ്രക്രിയയാണെന്ന് ഓർമ്മിക്കുക, ആവശ്യമുള്ളപ്പോൾ പ്രൊഫഷണൽ സഹായം തേടുന്നത് നല്ലതാണ്. ഒരു തെറാപ്പിസ്റ്റിൽ നിന്നോ കൗൺസിലറിൽ നിന്നോ നിങ്ങൾക്ക് ഈ പ്രശ്നങ്ങൾ കൈകാര്യം ചെയ്യാൻ ആവശ്യമായ രീതികളും ഉപായങ്ങളും ലഭിക്കും.
നിങ്ങളുടെ വ്യക്തിത്വം അംഗീകരിക്കുക, യഥാർത്ഥ സൗന്ദര്യം സ്വയം സ്നേഹിക്കുകയും അംഗീകരിക്കുകയും ചെയ്യുന്നതിൽ നിന്നാണെന്ന് ഓർമ്മിക്കുക.
Content Summary: Social media and inflated notions of beauty are enough to depress individuals these days. Here are six crucial suggestions to help you manage these concerns.