കുടലിൽ കണ്ടുവരുന്ന ചില ബാക്ടീരിയകൾ ഹൃദയാഘാതത്തിന് കാരണമാകുമെന്ന് പുതിയ പഠനം. സ്വീഡനിലെ ഉപ്‌സാലയിലെയും ലണ്ട് യൂണിവേഴ്‌സിറ്റിയിലെയും ഗവേഷകർ നടത്തിയ പഠനത്തിലാണ് ഇക്കാര്യം വ്യക്തമായത്. 50 മുതൽ 65 വരെ പ്രായമുള്ള ഹൃദ്രോഗമുള്ള 8,973 പേരിലാണ് കുടലിൽ വസിക്കുന്ന ബാക്ടീരിയകളുടെ സാന്നിദ്ധ്യം കണ്ടെത്തിയത്. ഇവരുടെ കാർഡിയാക് ഇമേജിംഗ് ഉൾപ്പടെ വിശദമായി വിശകലനം ചെയ്താണ് പഠനം നടത്തിയത്.
കുടലിൽ വസിക്കുന്ന ചില ബാക്ടീരിയകളും കൊറോണറി അഥെറോസ്‌ക്ലെറോട്ടിക് ഫലകങ്ങളും കൊഴുപ്പ്, കൊളസ്‌ട്രോൾ നിക്ഷേപങ്ങൾ അടിഞ്ഞുകൂടി രൂപപ്പെടുന്നതും ഹൃദയാഘാതത്തിന്റെ ഒരു പ്രധാന കാരണമായി മാറുന്നതും തമ്മിലുള്ള ബന്ധമാണ് ഗവേഷകർ കണ്ടെത്തിയത്.
സർക്കുലേഷൻ എന്ന ശാസ്ത്ര ജേണലിൽ പ്രസിദ്ധീകരിച്ച കണ്ടെത്തലുകൾ, ഓറൽ ബാക്ടീരിയകൾ, പ്രത്യേകിച്ച് സ്ട്രെപ്റ്റോകോക്കസ് ജനുസ്സിൽ നിന്നുള്ള സ്പീഷിസുകൾ, കുടലിൽ ഉള്ളപ്പോൾ ഹൃദയത്തിന്റെ ചെറിയ ധമനികളിൽ രക്തപ്രവാഹത്തിന് തടസമുണ്ടാക്കുന്ന ഫലകങ്ങൾ വർദ്ധിക്കുന്നതുമായി ബന്ധപ്പെട്ടിരിക്കുന്നുവെന്ന് വെളിപ്പെടുത്തി.
സ്ട്രെപ്റ്റോകോക്കസ് ജനുസ്സിൽ നിന്നുള്ള സ്പീഷിസുകളാണ് ന്യുമോണിയയ്ക്കും തൊണ്ട, ത്വക്ക്, ഹൃദയ വാൽവുകൾ എന്നിവയുടെ അണുബാധയ്ക്കും സാധാരണ കാരണമാകുന്നതെന്ന് മെഡിക്കൽ സയൻസസിലെയും ഉപ്സാലയിലെ സൈലൈഫ് ലാബിലെയും മോളിക്യുലർ എപ്പിഡെമിയോളജി പ്രൊഫസർ ടോവ് ഫാൾ പറഞ്ഞു. ഈ ബാക്ടീരിയകൾ രക്തപ്രവാഹം തടസപ്പെടുത്തുന്നതിന് കാരണമാകുന്നുണ്ടോ ഇല്ലയോ എന്നത് സംബന്ധിച്ച് കൂടുതൽ പഠനം നടത്തേണ്ടതുണ്ട്.
ഈ പഠനത്തിൽ, ഗട്ട് മൈക്രോബയോട്ടയും ഹൃദയ ധമനികളിൽ കൊഴുപ്പ് അടിഞ്ഞുകൂടുന്നതും തമ്മിലുള്ള ബന്ധത്തെക്കുറിച്ചാണ് ശാസ്ത്രജ്ഞർ പരിശോധിച്ചത്.
ഹൃദയ ധമനികളിൽ കൊഴുപ്പ് അടിഞ്ഞുകൂടുന്നതുമായി ബന്ധപ്പെട്ട ചില സ്പീഷീസുകൾ വായിലെ അതേ സ്പീഷിസുകളുടെ അളവുമായി ബന്ധപ്പെട്ടിരിക്കുന്നുവെന്നും ഗവേഷണ സംഘം കണ്ടെത്തി. മലം, ഉമിനീർ എന്നിവയുടെ സാമ്പിളുകൾ ഉപയോഗിച്ചാണ് ഇത് പരിശോധിച്ചത്. കൂടാതെ, ഈ ബാക്ടീരിയകൾ രക്തത്തിൽ നീർക്കെട്ട് ഉണ്ടാക്കുന്നതായും സംശയമുണ്ട്. ഈ ബാക്ടീരിയകളുടെ സാന്നിദ്ധ്യമുള്ളവരും ഇല്ലാത്തവരും തമ്മിൽ ഭക്ഷണത്തിലും മരുന്നിലുമുള്ള വ്യത്യാസങ്ങളും ഗവേഷകർ പരിശോധിച്ചു.
കുടലിലെ സ്ട്രെപ്റ്റോകോക്കിയുടെ വാഹകരിൽ ഹൃദയസംബന്ധമായ ആരോഗ്യം മോശമാണെന്ന് ഞങ്ങളുടെ പഠനം കാണിക്കുന്നു. ഈ ബാക്ടീരിയകൾ രക്തപ്രവാഹത്തിന് കാരണമാകുന്നുണ്ടോ എന്ന് നമ്മൾ ഇപ്പോൾ അന്വേഷിക്കേണ്ടതുണ്ട്,’ ലണ്ട് യൂണിവേഴ്‌സിറ്റിയിലെ ജനിതക എപ്പിഡെമിയോളജി പ്രൊഫസർ മർജു ഓർഹോ-മെലാൻഡർ പറഞ്ഞു.
Content Summary: New study suggests that Gut bacteria can cause heart attacks