ഇന്ന് സിനിമാ കാഴ്ചകളിലേറെയും ഒടിടിയിലാണ്. നമ്മുടെ നാട്ടിൽ ഏറ്റവും പുതിയ സിനിമകൾ ലഭിക്കുന്ന പ്രധാനപ്പെട്ട ഒടിടി പ്ലാറ്റ്ഫോമാണ് നെറ്റ്ഫ്ലിക്സ്. നെറ്റ്ഫ്ലിക്സിൽ 2023 നവംബറിൽ ഒട്ടേറെ പുതിയ സിനിമകൾ റിലീസാകുന്നുണ്ട്. അടുത്തിടെ ഇന്ത്യൻ സിനിമയിൽ റെക്കോർഡ് കളക്ഷനുമായി മുന്നേറിയ സിനിമകൾ വരെ ഈ കൂട്ടത്തിലുണ്ട്. നിലവിൽ ഷാരൂഖ് ഖാൻ നായകനായ ലിയോ എന്ന സിനിമ നെറ്റ്ഫ്ലിക്സിൽ സർവകാല റെക്കോർഡുകൾ ഭേദിച്ച് സ്ട്രീമിങ് തുടരുകയാണ്. ഇന്ത്യയിൽ ഏതെങ്കിലും ഒരു ഒടിടി പ്ലാറ്റ്ഫോമിൽ ഏറ്റവുമധികം ആളുകൾ കണ്ട സിനിമ എന്ന റെക്കോർഡാണ് നെറ്റ്ഫ്ലിക്സിൽ ജവാൻ സ്വന്തമാക്കിയത്.
ജവാന് പിന്നാലെ വിജയ് നായകനായ ലിയോ ഉൾപ്പടെ ഒരുപിടി സിനിമകളാണ് ഈ നവംബറിൽ ഒടിടിയിൽ സ്ട്രീമിങ് തുടങ്ങുന്നത്.
മാധവൻ നായകനായി എത്തുന്ന ദ റെയിൽവേ മെൻ എന്ന സിനിമ നവംബർ 18 മുതൽ നെറ്റ്ഫ്ലിക്സിൽ ലഭ്യമാണ്. ഈ സിനിമയിൽ കെ കെ മേനോൻ, ദിവ്യേന്ദു ശർമ്മ, ബബിൽ ഖാൻമന്ദിര ബേദി തുടങ്ങിയവരും പ്രധാന വേഷത്തിൽ എത്തിയിട്ടുണ്ട്.
ശിൽപ ഷെട്ടിയും അമിത് സാധും അഭിനയിച്ചിരിക്കുന്ന സുഖീ എന്ന ചിത്രമാണ് നെറ്റ്ഫ്ലിക്സിൽ നവംബർ 17 മുതൽ സ്ട്രീം ചെയ്തു തുടങ്ങിയ മറ്റൊരു സിനിമ.
വിജയ് നായകനായ ലിയോയാണ് ഈ മാസം നെറ്റ്ഫ്ലിക്സിൽ എത്തുന്ന മറ്റൊരു സിനിമ. ഇതിൽ സഞ്ജയ് ദത്ത്, തൃഷ, ഗൌതം വാസുദേവ് മേനോൻ എന്നിവരും അഭിനയിച്ചിട്ടുണ്ട്. ഈ സിനിമ നവംബർ 16ന് എത്തുമെന്നാണ് അറിയിച്ചതെങ്കിലും ദീപാവലി കാലത്തെ തിയറ്റർ തിരക്കു കാരണം ഒടിടി റിലീസ് നീട്ടുകയായിരുന്നു. നവംബർ 23ന് ചിത്രം നെറ്റ്ഫ്ലിക്സിൽ റിലീസ് ചെയ്യും.