Last Updated on February 4, 2025
ഇന്ന് ലോകത്ത് ഏറ്റവുമധികം അപകടകരമായി കണ്ടുവരുന്ന ജീവിതശൈലി രോഗമാണ് കാൻസർ. ശരീരത്തിന്റെ ഒരു പ്രത്യേക ഭാഗത്തെ കോശങ്ങൾ അനിയന്ത്രിതമായി വളരുകയും പുനരുൽപ്പാദിപ്പിക്കുകയും ചെയ്യുന്ന അവസ്ഥയാണ് കാൻസർ. കാൻസർ കോശങ്ങൾക്ക് അവയവങ്ങൾ ഉൾപ്പെടെ ചുറ്റുമുള്ള ആരോഗ്യമുള്ള കോശങ്ങളെ ആക്രമിക്കാനും നശിപ്പിക്കാനും കഴിയും.
കാൻസർ ചിലപ്പോൾ ശരീരത്തിന്റെ ഒരു ഭാഗത്ത് തുടങ്ങും മുമ്പ് മറ്റു ഭാഗങ്ങളിലേക്ക് വ്യാപിക്കും. ഈ പ്രക്രിയ മെറ്റാസ്റ്റാസിസ് എന്നറിയപ്പെടുന്നു. രണ്ടിൽ ഒരാൾക്ക് അവരുടെ ജീവിതകാലത്ത് ഏതെങ്കിലും തരത്തിലുള്ള ക്യാൻസർ ഉണ്ടാകാം. സാധാരണഗതിയിൽ ലോകത്ത് ഏറ്റവുമധികം കണ്ടുവരുന്ന നാല് തരണം ക്യാൻസറുകൾ ഇവയാണ്- സ്തനാർബുദം, ശ്വാസകോശ അർബുദം, പ്രോസ്റ്റേറ്റ് കാൻസർ, കുടൽ കാൻസർ
200-ൽ ഏറെ വ്യത്യസ്ത തരം കാൻസറുകളുണ്ട്, അവ ഓരോന്നും ഒരു പ്രത്യേക രീതിയിൽ രോഗനിർണയം നടത്തുകയും ചികിത്സിക്കുകയും ചെയ്യേണ്ടതുണ്ട്.
കാൻസറിന്റെ പ്രാഥമികമായ ലക്ഷണങ്ങൾ
ശരീരത്തിന്റെ സാധാരണ പ്രക്രിയകളിലെ മാറ്റങ്ങൾ അല്ലെങ്കിൽ അസാധാരണവും വിശദീകരിക്കപ്പെടാത്തതുമായ ലക്ഷണങ്ങൾ ചിലപ്പോൾ കാൻസറിന്റെ പ്രാരംഭ ലക്ഷണമാകാം. കൂടാതെ താഴെ പറയുന്ന ലക്ഷണങ്ങൾ കാൻസറിന്റെ ഏറ്റവും പ്രാഥമികമായ ചില ലക്ഷണങ്ങളാണ്.
- ശരീരത്തിൽ പെട്ടെന്ന് പ്രത്യക്ഷപ്പെടുന്ന ഒരു മുഴ
- അമിതമായ രക്തസ്രാവം
- കാരണമില്ലാത്ത ശരീരഭാരം കുറയൽ
- മലവിസർജ്ജനത്തിലുണ്ടാകുന്ന മാറ്റങ്ങൾ
- തുടർച്ചയായ ചുമ
- ഭക്ഷണം വിഴുങ്ങാൻ ബുദ്ധിമുട്ട്
- കുടൽസംബന്ധമോ മൂത്രസംബന്ധമോ ആയ പ്രശ്നങ്ങൾ
കാൻസറിനെ പ്രതിരോധിക്കാം
- ആരോഗ്യകരമായ ഭക്ഷണക്രമവും ജീവിതശൈലിയും:
പഴങ്ങൾ, പച്ചക്കറികൾ, ധാന്യങ്ങൾ എന്നിവ അടങ്ങിയ സമീകൃതാഹാരം കഴിക്കുകയും സംസ്കരിച്ച ഭക്ഷണങ്ങൾ ഉപേക്ഷിക്കുകയും ചെയ്യുക. - വ്യായാമം: വ്യായാമം ആരോഗ്യകരമായ ഭാരം നിലനിർത്താൻ സഹായിക്കുന്നു, ഇത് കാൻസർ സാധ്യത കുറയ്ക്കുന്നു.
- പുകയില ഒഴിവാക്കുക: പുകവലിയും പുകയില ഉപയോഗവും വിവിധ കാൻസറുകളുടെ പ്രധാന കാരണങ്ങളാണ്.
- മദ്യപാനം ഉപേക്ഷിക്കുക: കാൻസർ വരുന്നതിനുള്ള പ്രധാന കാരണങ്ങളിൽ ഒന്ന് മദ്യപാനമാണ്. മദ്യം ഉപേക്ഷിക്കുന്നത് കാൻസർ വരാനുള്ള സാധ്യത കുറയ്ക്കും.
- സൂര്യപ്രകാശത്തിൽ നിന്ന് സംരക്ഷണം നേടുക: സൺസ്‌ക്രീൻ ഉപയോഗിക്കുന്നതും സംരക്ഷണ വസ്ത്രം ധരിക്കുന്നതും ത്വക് കാൻസറിനെ പ്രതിരോധിക്കാൻ സഹായകരമാണ്.
കാൻസർ ചികിത്സ
ട്യൂമറുകൾ സാധാരണയായി ശസ്ത്രക്രിയയിലൂടെ നീക്കം ചെയ്യാം. മുഴകൾ നീക്കം ചെയ്യാനാകുമെന്നതിനാൽ മിക്ക തരത്തിലുള്ള ക്യാൻസറുകൾക്കും ആദ്യ ചികിത്സയാണ് ശസ്ത്രക്രിയ.
സാധാരണയായി ഉപയോഗിക്കുന്ന മറ്റ് 2 ചികിത്സാ രീതികൾ :
- കീമോതെറാപ്പി – ക്യാൻസർ കോശങ്ങളെ നശിപ്പിക്കുന്ന ശക്തിയേറിയ മരുന്നുകൾ
- റേഡിയോ തെറാപ്പി – ഉയർന്ന ഊർജ്ജ എക്സ്-റേകളുടെ നിയന്ത്രിത ഉപയോഗം
കാൻസർ കണ്ടെത്തുന്നത്
മിക്ക ക്യാൻസറുകളും രക്തപരിശോധന, എക്സ്റേ, സ്കാനിങ്, എൻഡോസ്കോപ്പി, ബയോപ്സി തുടങ്ങിയവയിലൂടെ കണ്ടെത്താനാകും. ക്യാൻസർ കൃത്യമായി കണ്ടുപിടിക്കാൻ ആഴ്ചകളോ മാസങ്ങളോ എടുത്തേക്കാം. ക്യാൻസർ പലപ്പോഴും വർഷങ്ങളോളം സാവധാനത്തിൽ വികസിക്കുന്നതിനാൽ, ഏതാനും ആഴ്ചകൾ കാത്തിരിക്കുന്നത് സാധാരണയായി ചികിത്സയുടെ ഫലപ്രാപ്തിയെ ബാധിക്കില്ല.
ഇന്ത്യയിൽ കാൻസർ ക്രമാതീതമായി വർദ്ധിച്ചുവരികയാണ്. സ്ത്രീകളുടെ മരണത്തിന് കാരണമാകുന്ന പ്രധാന അസുഖങ്ങളിൽ ഒന്ന് സ്തനാർബുദമാണ്.
പുതിയ പഠനങ്ങൾ അനുസരിച്ച് കാൻസർ രോഗമുള്ള ഓരോ വ്യക്തിയും വ്യത്യസ്തമായ അനുഭവങ്ങളിലൂടെയാണ് കടന്നുപോകുന്നത്. അതുകൊണ്ടുതന്നെ ഓരോരുത്തർക്കും പ്രത്യേകം ശ്രദ്ധ ആവശ്യമാണ്. വ്യക്തിഗത ആവശ്യങ്ങൾക്കനുസരിച്ച് ചികിത്സാ പദ്ധതികൾ ക്രമീകരിക്കേണ്ടതിന്റെയും, അനുകമ്പാപൂർണ്ണവും ഫലപ്രദവുമായ പരിചരണം ഉറപ്പാക്കേണ്ടതിന്റെയും പ്രാധാന്യം അടിവരയിടുന്നതാണ് 2025 ലോക കാൻസർ ദിനത്തിന്റെ പ്രമേയം – “യുണൈറ്റഡ് ബൈ യുണീക്ക്”. എല്ലാ വർഷവും ഫെബ്രുവരി നാലിനാണ് ലോക കാൻസർ ദിനം ആചരിക്കുന്നത്.
കാൻസറിനെ കുറിച്ചുള്ള കൂടുതൽ വിവരങ്ങൾക്ക് World Cancer Day Website സന്ദർശിക്കുക
Also Read | Lung Cancer: ശ്വാസകോശ അർബുദം എന്ത്? ലക്ഷണങ്ങൾ, കാരണങ്ങൾ, ചികിത്സ