Last Updated on January 24, 2025
നൂറ്റാണ്ടുകളായി പരമ്പരാഗത വൈദ്യശാസ്ത്രത്തിലും പാചക രീതികളിലും ഒരു പ്രധാന ഘടകമാണ് കൂവ. കൂവപ്പൊടി സൂക്ഷിച്ചുവെക്കാത്ത വീടുകൾ കേരളത്തിൽ ചുരുക്കമാണ്. കുഞ്ഞുങ്ങൾക്കോ വലിയവർക്കോ വയറുവേദനയോ മൂത്രസംബന്ധമായ അസുഖങ്ങളോ വരുമ്പോൾ ഏറ്റവും എളുപ്പത്തിൽ പ്രയോഗിക്കുന്ന വീട്ടുവൈദ്യമാണ് കൂവപ്പൊടി.
ഒരുപാട് ആരോഗ്യഗുണങ്ങളുള്ള കൂവയിൽ ഗ്ലൂട്ടൻ അടങ്ങിയിട്ടില്ല. അതുകൊണ്ടുതന്നെ ആരോഗ്യകരമായ ജീവിതരീതി നയിക്കുന്ന ആളുകൾക്ക് പ്രിയപ്പെട്ട ഭക്ഷണം കൂടിയാണ് കൂവ. പണ്ടുകാലത്ത് മലയാളികളുടെ ആഹാരത്തിൽ കൂവയ്ക്ക് പ്രധാന സ്ഥാനം ഉണ്ടായിരുന്നു. കൂവ കൊണ്ട് പല വിഭവങ്ങളും പ്രത്യേക ദിവസങ്ങളിൽ ഉണ്ടാക്കുമായിരുന്നു. അന്നൊക്കെ കൂവ സുലഭമായി നമ്മുടെ പറമ്പിൽ ലഭിക്കുമായിരുന്നു. ഇന്ന് കൂവ ആരോഗ്യസംരക്ഷണത്തിനുള്ള മരുന്നായി ഒതുങ്ങി എന്നുമാത്രം. എന്തൊക്കെയാണ് കൂവയുടെ ആരോഗ്യഗുണങ്ങൾ എന്ന് നോക്കാം.
നമ്മുടെ ആരോഗ്യത്തെ പലരീതിയിൽ സഹായിക്കുന്ന നിരവധി ആരോഗ്യഗുണങ്ങൾ കൂവയിൽ അടങ്ങിയിട്ടുണ്ട്. മാത്രമല്ല, കലോറി വളരെ കുറവുമാണ്.
- നാരുകൾ: ദഹനത്തെ സഹായിക്കുന്ന നാരുകൾ കൂവയിൽ ധാരാളം അടങ്ങിയിട്ടുണ്ട്.
- ധാതുക്കൾ: വിവിധ ശാരീരിക പ്രവർത്തനങ്ങൾക്ക് അത്യാവശ്യമായ ധാതുക്കൾ കൂവയിൽ അടങ്ങിയിട്ടുണ്ട്.
- അന്നജം: മറ്റ് അന്നജങ്ങളിൽ നിന്ന് വ്യത്യസ്തമായി ഗ്ലൈസെമിക് കുറഞ്ഞ അന്നജമാണ് കൂവയിൽ അടങ്ങിയിരിക്കുന്നത്. ഇത് പ്രമേഹമുള്ളവർക്കും കഴിക്കാം എന്നതുകൊണ്ട് ആരോഗ്യകരമായ ഊർജ്ജ സ്രോതസ്സാണ് കൂവ എന്ന് പറയാം.
- ഗ്ലൂട്ടൻ രഹിതം: ഗ്ലൂട്ടൻ ഇല്ലാത്തതിനാൽ ദഹനപ്രശ്ങ്ങൾ ഉള്ളവർക്കും കഴിക്കാവുന്ന ഭക്ഷണമാണിത്.
കൂവയുടെ ആരോഗ്യഗുണങ്ങൾ
- ദഹനാരോഗ്യം മെച്ചപ്പെടുത്തുന്നു
മലബന്ധം, വയറിളക്കം പോലുള്ള ദഹന പ്രശ്നങ്ങൾ തടയാൻ കൂവ സഹായിക്കും. ദഹനപ്രശ്‌നങ്ങൾ ഉള്ളവർക്ക് ഭക്ഷണത്തിൽ ഉൾപ്പെടുത്താവുന്ന മികച്ച ഒരു ഓപ്‌ഷനാണ് കൂവ. - പ്രമേഹരോഗികൾക്ക് അനുയോജ്യം
കുറഞ്ഞ ഗ്ലൈസെമിക് സൂചികയുള്ളതിനാൽ കൂവ രക്തത്തിലെ പഞ്ചസാരയുടെ അളവ് സ്ഥിരപ്പെടുത്താൻ സഹായിക്കുന്നു. പ്രമേഹം നിയന്ത്രിക്കുന്ന വ്യക്തികൾക്ക് ഇത് സുരക്ഷിതമായ ഒരു കാർബോഹൈഡ്രേറ്റ് ഉറവിടമാണ്. - കുഞ്ഞുങ്ങൾക്ക് പോഷകസമൃദ്ധമായ ഒരു ഓപ്ഷൻ
ലഘുവായതും എളുപ്പത്തിൽ ദഹിക്കുന്നതുമായ സ്വഭാവം കാരണം കൂവ പലപ്പോഴും കുഞ്ഞുങ്ങളുടെ ഭക്ഷണത്തിൽ ഉപയോഗിക്കുന്നു. ഇത് കുഞ്ഞുങ്ങളുടെ ദഹനവ്യവസ്ഥയെ പിന്തുണയ്ക്കുകയും വളർച്ചയ്ക്ക് ആവശ്യമായ പോഷകങ്ങൾ നൽകുകയും ചെയ്യുന്നു. - കരളിന്റെ ആരോഗ്യത്തെ പിന്തുണയ്ക്കുന്നു
- കൂവയിലെ ആന്റിഓക്‌സിഡന്റുകൾ കരളിനെ വിഷവിമുക്തമാക്കാനും ആരോഗ്യകരമായ പ്രവർത്തനത്തെ പ്രോത്സാഹിപ്പിക്കാനും സഹായിക്കുന്നു.
- ചർമ്മ സംരക്ഷണ ഗുണങ്ങൾ
കൂവപ്പൊടി ചർമ്മസംരക്ഷണ ഉൽപ്പന്നങ്ങളിൽ വ്യാപകമായി ഉപയോഗിക്കുന്നു. ചർമ്മരോഗങ്ങൾ തടയാനും അമിതമായ എണ്ണമയം ഇല്ലാതാക്കാനുമെല്ലാം ഇത് സഹായിക്കുന്നു.
കൂവ വളരെയധികം ആരോഗ്യഗുണങ്ങളുള്ള ആഹാരമാണെന്ന് സമീപകാല പഠനങ്ങളും ശരിവെക്കുന്നു. മാനസിക സമ്മർദ്ദം കുറയ്ക്കുന്ന ആന്റിഓക്സിഡന്റുകളും കുടലിന്റെ ആരോഗ്യത്തിന് സഹായകമാകുന്ന ബാക്റ്റീരിയകളുടെ വളർച്ചയെ പ്രോത്സാഹിപ്പിക്കുന്ന ഘടകങ്ങളും കൂവയിൽ അടങ്ങിയിട്ടുണ്ട്.
പോഷകാഹാരത്തിന്റെയും ആരോഗ്യ ഗുണങ്ങളുടെയും ഒരു പവർഹൗസാണ് കൂവ എന്ന് പറയാം. ദഹനം മെച്ചപ്പെടുത്താനും രക്തത്തിലെ പഞ്ചസാരയുടെ അളവ് നിയന്ത്രിക്കാനും ചർമ്മസംരക്ഷണത്തിനും സഹായകരമാണ് നമ്മുടെ ഈ അത്ഭുത കിഴങ്ങ്.
Also Read | ഭംഗിയും രുചിയും മാത്രമല്ല, കാപ്സിക്കത്തിന് ഗുണങ്ങളും ഏറെയുണ്ട്!
Content Summary: Health benefits of Arrowroot