തങ്കവും ഇരട്ടയുമുൾപ്പെടെ ഒടിടി റിലീസിനൊരുങ്ങുന്ന ഏറ്റവും പുതിയ മലയാളം സിനിമകൾ

കോവിഡിന് ശേഷം തിയ്യേറ്ററുകൾ നിറഞ്ഞോടുന്ന മികച്ച മലയാളം സിനിമകൾ റിലീസായ മാസമാണ് കടന്നുപോയത്. തിയേറ്റർ റിലീസിന് പിറകെ ഒടിടി പ്ലാറ്റ്ഫോമുകളിലും സിനിമകൾ വരുന്നു. തിയേറ്ററിൽ സിനിമ കാണാൻ സാധിക്കാത്തവർ ഒടിടി റിലീസിനുവേണ്ടി കാത്തിരിക്കും. ഫെബ്രുവരി പകുതി മുതൽ ഒടിടിയിൽ റിലീസ് ചെയ്യാനിരിക്കുന്ന ഏറ്റവും പുതിയ മലയാളം സിനിമകൾ ഏതൊക്കെയാണെന്ന് നോക്കാം.

തങ്കം

ഏറെ പ്രേക്ഷകപ്രശംസ പിടിച്ചുപറ്റിയ സിനിമയാണ് തങ്കം. ജനുവരി 26 നായിരുന്നു തിയേറ്ററിൽ തങ്കം റിലീസ് ചെയ്തത്. ബിജു മേനോൻ, വിനീത് ശ്രീനിവാസൻ, അപർണ്ണ ബാലമുരളി തുടങ്ങിയവരാണ് ചിത്രത്തിൽ അഭിനയിച്ചിരിക്കുന്നത്. ഷഹീദ് അറഫാത്ത് സംവിധാനം ചെയ്ത തങ്കം ക്രൈം ത്രില്ലർ വിഭാഗത്തിൽപെടുന്ന സിനിമയാണ്.

റിലീസ് തീയതി: 2023 ഫെബ്രുവരി 20
പ്ലാറ്റ്ഫോം: ആമസോൺ പ്രൈം വീഡിയോ

നൻപകൽ നേരത്ത് മയക്കം

എസ് ഹരീഷ് തിരക്കഥയെഴുതി ലിജോ ജോസ് പെല്ലിശ്ശേരി സംവിധാനം ചെയ്ത നൻപകൽ നേരത്ത് മയക്കം ചലച്ചിത്രമേളകളിൽ തിളങ്ങിയ ചിത്രമാണ്. തിയേറ്ററിൽ റിലീസ് ചെയ്തപ്പോഴും മികച്ച അഭിപ്രായം നേടി. മമ്മൂട്ടി, രമ്യ പാണ്ഡ്യൻ, രാജേഷ് ശർമ്മ തുടങ്ങിയവരാണ് ചിത്രത്തിൽ അഭിനയിച്ചിരിക്കുന്നത്.

റിലീസ് തീയതി: 2023 ഫെബ്രുവരി 23
പ്ലാറ്റ്ഫോം: നെറ്റ്ഫ്ലിക്സ്

എലോൺ

പാൻഡെമിക് ലോക്ക്ഡൗണിനിടെ ഒരു പുതിയ അപ്പാർട്ട്മെന്റിലേക്ക് മാറിയ മോട്ടിവേഷണൽ സ്പീക്കർ കാളിദാസൻ ചില ശബ്ദങ്ങൾ കേൾക്കാൻ തുടങ്ങുന്നു. ഈ ശബ്‌ദങ്ങളുടെ ഉറവിടത്തിനായുള്ള അദ്ദേഹത്തിന്റെ തിരച്ചിൽ ചില രഹസ്യങ്ങൾ അനാവരണം ചെയ്യുന്നു. രാജേഷ് ജയരാമന്റെ തിരക്കഥയിൽ ഷാജി കൈലാസ് സംവിധാനം ചെയ്ത എലോൺ ത്രില്ലർ വിഭാഗത്തിൽപെടുന്ന സിനിമയാണ്. കാളിദാസനായി മോഹൻലാൽ അഭിനയിക്കുന്നു.

റിലീസ് തീയതി: 2023 ഫെബ്രുവരി
പ്ലാറ്റ്ഫോം: ഡിസ്‌നി പ്ലസ് ഹോട്ട്സ്റ്റാർ

രോമാഞ്ചം

ആറ് റൂംമേറ്റ്‌സ് വിനോദത്തിനായി ഓജോ ബോർഡ് കളിക്കാൻ തുടങ്ങുന്നു. എന്നാൽ ചില അപ്രതീക്ഷിത അതിഥികൾ അവരുടെ പദ്ധതിയാകെ തകിടം മറിക്കുന്നു. ഹൊറർ-കോമഡി വിഭാഗത്തിൽപെടുന്ന രോമച്ചം തിയ്യേറ്ററിനെ കയ്യിലെടുത്ത സിനിമയാണ്. സൗബിൻ ഷാഹിർ, സിജു സണ്ണി, അർജുൻ അശോകൻ, ചെമ്പൻ വിനോദ് ജോസ്, സജിൻ ഗോപു തുടങ്ങിയവരാണ് അഭിനേതാക്കൾ. ജിത്തു മാധവൻ സംവിധാനം ചെയ്തിരിക്കുന്നു.

റിലീസ് തീയതി: 2023 മാർച്ച്
പ്ലാറ്റ്ഫോം: ഡിസ്‌നി പ്ലസ് ഹോട്ട്സ്റ്റാർ

Also Read: ഒടിടി റിലീസിനൊരുങ്ങുന്ന ഏറ്റവും പുതിയ മലയാളം സിനിമകൾ

ഇരട്ട

പോലീസ് ഓഫീസർ വിനോദിനെ പോലീസ് സ്റ്റേഷനിൽ മരിച്ച നിലയിൽ കണ്ടെത്തുന്നു. മറ്റ് മൂന്ന് പോലീസുകാരാണ് പ്രതികൾ. തുടർന്ന് വിനോദിന്റെ ഇരട്ട സഹോദരൻ നടത്തുന്ന അനേഷണം പല വെളിപ്പെടുത്തലുകൾക്കും കാരണമാകുന്നു. രോഹിത് എം ജി കൃഷ്ണൻ സംവിധാനം ചെയ്യുന്ന ഈ പോലീസ് ഡ്രാമയിൽ ജോജു ജോർജ്ജ്, അഞ്ജലി, അഭിരാം രാധാകൃഷ്ണൻ, മനോജ് കെ യു എന്നിവർ അഭിനയിക്കുന്നു.

റിലീസ് തീയതി: 2023 മാർച്ച്
പ്ലാറ്റ്ഫോം: നെറ്റ്ഫ്ലിക്സ്

ചതുരം

എൽദോയുമായി വിവാഹിതയാകേണ്ടിവന്ന സെലീന ആ ബന്ധത്തിൽ കുടുങ്ങിപ്പോകുന്നു. ഒരു ആക്സിഡന്റിനെത്തുടർന്ന് എൽദോ കിടപ്പിലാകുന്നതോടെ സെലീന സ്വാതന്ത്രയാകുന്നു. സ്വാസിക വിജയ്, റോഷൻ മാത്യു, അലൻസിയർ ലേ ലോപ്പസ് എന്നിവർ അഭിനയിച്ച ചിത്രം സംവിധാനം ചെയ്തിരിക്കുന്നത് സിദ്ധാർഥ് ഭരതനാണ്.

റിലീസ് പ്ലാറ്റ്ഫോം: സൈന പ്ലേ

Also Read: ഇപ്പോൾ ഒടിടിയിൽ കാണാവുന്ന ഏറ്റവും പുതിയ മലയാളം സിനിമകൾ

രേഖ

വിൻസി അലോഷ്യസും ഉണ്ണി ലാലുവും പ്രധാന കഥാപാത്രങ്ങളെ അവതരിപ്പിക്കുന്ന രേഖ ഒരു റൊമാൻസ്-ആൻഡ് റിവഞ്ച് ത്രില്ലറാണ്. ജിതിൻ ഐസക് തോമസാണ് ചിത്രം സംവിധാനം ചെയ്തിരിക്കുന്നത്. ഒടിടിയിൽ വിജയക്കൊടി പാറിക്കും എന്ന് കരുതപ്പെടുന്ന ചിത്രമാണ് രേഖ.

റിലീസ് പ്ലാറ്റ്ഫോം: നെറ്റ്ഫ്ലിക്സ്