അടുത്തിടെയായി ചെറുപ്പക്കാരിൽ വൻകുടലിലെ ക്യാൻസർ കൂടുതലായി കണ്ടുവരുന്നു. ഇത് സംബന്ധിച്ച് ലോകാരോഗ്യസംഘടനയുടേത് ഉൾപ്പടെ നിരവധി റിപ്പോർട്ടുകൾ പുറത്തുവന്നിട്ടുണ്ട്. ചെറുപ്പക്കാരിൽ വൻകുടലിൽ ക്യാൻസറുണ്ടാകാനുള്ള രണ്ട് പ്രധാന കാരണങ്ങളിലേക്ക് വെളിച്ചം വീശുന്ന പുതിയ പഠനറിപ്പോർട്ട് പുറത്തുവന്നിരിക്കുന്നു. അതിലൊന്ന് അമിതവണ്ണവും രണ്ടാമത്തേത് മദ്യപാനവുമാണ്. അനൽസ് ഓഫ് ഓങ്കോളജി ജേണലിൽ ഈ ആഴ്ച പ്രസിദ്ധീകരിച്ച പഠനത്തിലാണ് ഇക്കാര്യം പറയുന്നത്.
നാഷണൽ ക്യാൻസർ ഇൻസ്റ്റിറ്റ്യൂട്ട് ട്രസ്റ്റഡ് സോഴ്‌സിന്‍റെ അഭിപ്രായത്തിൽ, മദ്യപാനം വൻകുടൽ ക്യാൻസറിനുള്ള സാധ്യത 50% വരെ വർദ്ധിപ്പിക്കുമെന്നാണ് വ്യക്തമാക്കുന്നത്. പൊണ്ണത്തടി നേരിട്ട് ക്യാൻസറിന് കാരണമാകുന്നില്ലെങ്കിലും ഇതുമായി ബന്ധപ്പെട്ടുള്ള വീക്കം, ചില ഹോർമോണുകളുടെ പ്രവർത്തനം എന്നിവയൊക്കെ ക്യാൻസർ സാധ്യത വർദ്ധിപ്പിക്കും.
പ്രായപൂർത്തിയായവരിൽ വൻകുടൽ കാൻസർ മൂലമുള്ള ഉയർന്ന മരണനിരക്ക് അമിതവണ്ണവും മദ്യപാനവുമായി ബന്ധപ്പെട്ടിരിക്കാമെന്നാണ് പഠനത്തിൽ പറയുന്നത്. വൻകുടലിലെ ക്യാൻസർ നിരക്ക് കൂടുതലാണെങ്കിലും ചെറുപ്പക്കാരിൽ ഇത് വർദ്ധിക്കാൻ തുടങ്ങിയത് അടുത്തിടെയാണ്.
യു.കെയിൽ നടത്തിയ പഠനത്തിൽ 2018നെ അപേക്ഷിച്ച് 2024 ആയപ്പോഴേക്കും ചെറുപ്പക്കാരിൽ വൻകുടലിൽ ക്യാൻസർ ഉണ്ടാകുന്നത് മൂലമുള്ള മരണനിരക്ക് വൻതോതിൽ വർദ്ധിച്ചു. പുരുഷന്മാരിൽ 26% ഉം സ്ത്രീകളിൽ ഏകദേശം 39% ഉം ആയാണ് വർദ്ധിച്ചിട്ടുള്ളത്.
മദ്യപാനവും കുടൽ ക്യാൻസറും
“യുവാക്കൾക്കിടയിൽ കുടൽ കാൻസർ നിരക്ക് വർദ്ധിക്കുന്നതിന് കാരണമാകുന്ന പ്രധാന ഘടകങ്ങൾ അമിതഭാരം, പൊണ്ണത്തടി, രക്തത്തിലെ ഉയർന്ന പഞ്ചസാരയുടെ അളവ്, പ്രമേഹം തുടങ്ങിയവയാണ്,” പഠനസംഘത്തിലുണ്ടായിരുന്ന മെഡിക്കൽ സ്റ്റാറ്റിസ്റ്റിക്സ് ആൻഡ് എപ്പിഡെമിയോളജി പ്രൊഫസർ ഡോ. കാർലോ ലാ വെച്ചിയ പറഞ്ഞു. “മധ്യ, വടക്കൻ യൂറോപ്പിലും യുകെയിലും കാലക്രമേണ അമിതമായ മദ്യപാനത്തിൻ്റെ വർദ്ധനവും ശാരീരിക പ്രവർത്തനങ്ങളിലെ കുറവുമാണ് കുടലിലെ ക്യാൻസറിനുള്ള കാരണങ്ങൾ. യൂറോപ്പിൽ മദ്യപാനം പൊതുവെ കുറവുള്ള ഇറ്റലി, ഫ്രാൻസ് എന്നീ രാജ്യങ്ങളിൽ കുടലിലെ ക്യാൻസർ മൂലമുള്ള മരണനിരക്ക് താരതമ്യേന കുറവാണ്.
നാഷണൽ ക്യാൻസർ ഐടി ട്രസ്റ്റഡ് സോഴ്‌സെൻസ്റ്റിറ്റിയൂട്ടിന്‍റെ അഭിപ്രായത്തിൽ, മദ്യപാനം വൻകുടൽ കാൻസറിനുള്ള സാധ്യത 50% വരെ വർദ്ധിപ്പിക്കുകയും തലയിലും കഴുത്തിലും, അന്നനാളത്തിലുമുള്ള കാൻസറിന് കാരണമാകുകയും ചെയ്യുന്നു. കൂടാതെ ഇത്, സ്തനാർബുദം, കരൾ കാൻസർ എന്നിവയുൾപ്പെടെയുള്ള ഒന്നിലധികം അർബുദങ്ങൾക്ക് കാരണമാവുകയും ചെയ്യും.
അമിതവണ്ണവും കുടൽ ക്യാൻസറും
നാഷണൽ ക്യാൻസർ ഇൻസ്റ്റിറ്റ്യൂട്ടിന്‍റെ അഭിപ്രായത്തിൽ, അമിതവണ്ണമുള്ള ആളുകൾക്ക് അവരുടെ രക്തത്തിൽ ഇൻസുലിൻ പോലുള്ള വളർച്ചാ ഘടകം-1 (IGF-1) എന്നിവ കൂടുതലായി കാണപ്പെടുന്നു, ഇത് ടൈപ്പ് 2 പ്രമേഹമുണ്ടാകാനുള്ള സാധ്യത വർദ്ധിപ്പിക്കുന്നു. ഈ ഘടകങ്ങൾ വൻകുടൽ, വൃക്ക, പ്രോസ്റ്റേറ്റ്, എൻഡോമെട്രിയൽ ക്യാൻസർ എന്നിവയ്ക്ക് കാരണമാകും. പൊണ്ണത്തടിയുമായി ബന്ധപ്പെട്ട വിട്ടുമാറാത്ത വീക്കം, അതുപോലെ കൊഴുപ്പ് കോശങ്ങളിലെ അഡികോപൈൻസ് എന്ന ഹോർമോണുകൾ, വിവിധ ക്യാൻസറുകളുടെ സാധ്യത വർദ്ധിപ്പിക്കും.