വിഷാദം വരാൻ പല കാരണങ്ങൾ ഉണ്ടാകാം. കാലാവസ്ഥാ വ്യതിയാനത്തിനുപോലും നമ്മുടെ മാനസികാവസ്ഥ താറുമാറാക്കാനാകും. കാലാവസ്ഥാ വ്യതിയാനങ്ങളുമായി ബന്ധപ്പെട്ട് ഉണ്ടാകുന്ന ഡിപ്രഷൻ ‘സീസണൽ അഫക്റ്റീവ് ഡിസോർഡർ’ (SAD) എന്നറിയപ്പെടുന്നു. പ്രധാനമായും ശീതകാലത്ത് അനുഭവപ്പെടുന്ന ഈ മാനസികാരോഗ്യ പ്രശ്നം, ശരിയായ ശ്രദ്ധയും പരിചരണവും നൽകിയാൽ നിയന്ത്രിക്കാവുന്നതാണ്.
SAD-ന്റെ ലക്ഷണങ്ങൾ:
- ദൈനംദിന പ്രവർത്തനങ്ങളിൽ താൽപ്പര്യമില്ലായ്മ
- ദുഃഖം, നിരാശ, ശൂന്യത അനുഭവപ്പെടുക
- ഊർജ്ജക്കുറവ്, ക്ഷീണം
- അമിത ഉറക്കം
- ഭക്ഷണരുചിയിൽ മാറ്റങ്ങൾ
- സാമൂഹിക പിന്മാറ്റം
ചികിത്സയും പ്രതിരോധ മാർഗങ്ങളും:
- പ്രകാശ ചികിത്സ (ലൈറ്റ് തെറാപ്പി): പ്രത്യേക ലൈറ്റ് ബോക്‌സുകൾ ഉപയോഗിച്ച് പ്രതിദിനം നിശ്ചിത സമയത്തേക്ക് പ്രകാശം ലഭ്യമാക്കുന്നതിലൂടെ, ശരീരത്തിന്റെ ജൈവഘടന പുനഃക്രമീകരിക്കപ്പെടുന്നു.
- സൈക്കോതെറാപ്പി: കോഗ്നിറ്റീവ് ബിഹേവിയറൽ തെറാപ്പി (CBT) പോലുള്ള മനശ്ശാസ്ത്ര ചികിത്സകൾ, നെഗറ്റീവ് ചിന്തകൾ കൈകാര്യം ചെയ്യാനും, പോസിറ്റീവ് ചിന്താഗതികൾ വികസിപ്പിക്കാനും സഹായിക്കുന്നു.
- മരുന്നുകൾ: ചിലപ്പോൾ ആന്റിഡിപ്രസന്റുകൾ ഡോക്ടർ നിർദ്ദേശിക്കാം. എന്നാൽ, ഡോക്ടറുടെ നിർദ്ദേശപ്രകാരം മാത്രമേ ഇവ ഉപയോഗിക്കാവൂ.
- സൂര്യ പ്രകാശം ഏൽക്കുക: ദിവസവും രാവിലെ അൽപ്പം സൂര്യപ്രകാശമേൽക്കുന്നത് തണുപ്പുകാലത്തെ വിഷാദം മാറാൻ നല്ലതാണ്.
- വ്യായാമം: നടത്തം പോലുള്ള ലഘു വ്യായാമങ്ങൾ ശരീരത്തിനും മാനസികാരോഗ്യത്തിനും ഗുണകരമാണ്.
- കൃത്യമായ ദിനചര്യ: ദൈനം ദിന കാര്യങ്ങൾ നിശ്ചിത സമയക്രമത്തിൽ പാലിക്കുക. ഇത് ശരീരത്തിന്റെ ജൈവഘടന പുനഃക്രമീകരിക്കാൻ സഹായിക്കുന്നു.
പ്രതിരോധ നിർദ്ദേശങ്ങൾ:
- പ്രകാശത്തിൽ കൂടുതൽ സമയം ചെലവഴിക്കുക
- ആരോഗ്യകരമായ ഭക്ഷണക്രമം പാലിക്കുക
- ദിവസവും വ്യായാമം ചെയ്യുക
- സാമൂഹിക ബന്ധങ്ങൾ നിലനിർത്തുക
- ആവശ്യമായാൽ പ്രൊഫഷണൽ സഹായം തേടുക
Also Read | മാനസികാരോഗ്യം മെച്ചപ്പെടുത്താൻ ഏതൊക്കെ ചെയ്യാം