മുടി കറുപ്പിക്കേണ്ട; ഗുണങ്ങൾ പലതാണ്

മുടിയിൽ നര വീണുതുടങ്ങുന്ന ഘട്ടം പലരും ഭയപ്പെടുന്ന കാലമാണ്. യുവത്വം നഷ്ടമാകുന്നു എന്ന തോന്നലാണ് ഈ ഭയത്തിന് കാരണം. ഇത് സ്വാഭാവിക വാർദ്ധക്യ പ്രക്രിയയുടെ ഭാഗമാണ്. എങ്കിലും ചിലരിൽ പ്രായമാകുന്നതിന് മുൻപേ തന്നെ നര ബാധിക്കാറുണ്ട്. നരച്ചാലും ഫാഷന്റെ ഭാഗമായി മുടി കറുപ്പിക്കാതെ ഇരിക്കുന്നവരും ഉണ്ട്. എന്തൊക്കെയാണ് മുടി കറുപ്പിക്കാതിരിക്കുന്നതുകൊണ്ടുള്ള ഗുണങ്ങൾ എന്ന് നോക്കാം.

• മുടി ആരോഗ്യമുള്ളതായിരിക്കും

ഡൈ പ്രയോഗിക്കുന്നത് മുടിയെ സംരക്ഷിക്കുന്ന പ്രോട്ടീനുകളെ നശിപ്പിക്കുകയാണ് ചെയ്യുന്നത്. അങ്ങനെ രാസവസ്തുക്കൾ മുടിയിഴകളിലേക്ക് പ്രവേശിക്കുകയും അതിന്റെ നിറം മാറ്റുകയും ചെയ്യും. ഈ പ്രക്രിയ മുടിയെ ദുർബലമാക്കുന്നു, ഇത് മുടി പൊട്ടാനും വരണ്ടുപോകാനും കാരണമാകും.

• തലയോട്ടിയുടെ ആരോഗ്യം മെച്ചപ്പെടും

ഡൈയിലെ പാരാഫെനൈലെൻഡിയാമിൻ എന്ന രാസവസ്തു മൂലമാണ് തലയോട്ടിയിൽ ചൊറിച്ചിൽ ഉണ്ടാകാൻ കാരണമാകും.

• പണം ലാഭിക്കാം

മുടിയുടെ സ്വാഭാവികമായ നിറം നിലനിർത്തുന്നതിലൂടെ പണവും ലാഭിക്കാം. ചായം പൂശിയ മുടിക്ക് ആവശ്യമായ എല്ലാ വിലയേറിയ ഹെയർ കെയർ ഉൽപ്പന്നങ്ങളും ഉപേക്ഷിക്കാനും നിങ്ങൾക്ക് കഴിയും.

• സമയം ലാഭിക്കാം

ധാരാളം പണം ലാഭിക്കുന്നതിനു പുറമേ, നിങ്ങൾക്ക് ടൺ കണക്കിന് സമയവും ലാഭിക്കാം. നിങ്ങളുടെ മുടിയുടെ തരം അനുസരിച്ച് നിങ്ങളുടെ മുടി ഡൈ ചെയ്യാൻ മണിക്കൂറുകളോ ഒരു ദിവസം മുഴുവനോ എടുത്തേക്കാം.

നര ചിലരിൽ നല്ല ഭംഗിയായി തോന്നാറുണ്ട്. 30 വയസ്സ് ആകുമ്പോഴേക്കും അല്ലെങ്കിൽ അതിനു മുമ്പും ചില സന്ദർഭങ്ങളിൽ, മിക്ക ആളുകൾക്കും കുറച്ച് നരച്ച മുടി ഉണ്ടാകും. നമ്മുടെ സമൂഹത്തിൽ, വാർദ്ധക്യത്തിന്റെ ഏതെങ്കിലും ലക്ഷണങ്ങൾ കാണിക്കുന്നത് മോശമായ ഒന്നായി കരുത്തപ്പെടുന്നതാണ് പ്രശ്നം. നരയിലെ ഭംഗി കണ്ടെത്താൻ ശ്രമിക്കണം, ഒപ്പം എല്ലാ പ്രായവും നല്ലതാണെന്ന് കരുതുകയും വേണം. ബുദ്ധിമുട്ടനുഭവിച്ചുകൊണ്ട് മുടി കറുപ്പിക്കേണ്ട ആവശ്യമേ ഇല്ല.

Content Summary: There are people who don’t dye their hair as part of fashion even if they are gray. Let’s see what are the benefits of not coloring the hair.